ОкуяларСаясат
Маанилүү

Түркиянын тышкы иштер министри Мевлүт Чавушуулу «Ата-Бейитке» барды

Бүгүн, 10-мартта Түркиянын тышкы иштер министри Мевлүт Чавушуулу Кыргызстанга расмий сапар менен келди. Бул тууралуу КР Тышкы иштер министрлигинин басма сөз кызматы билдирет. Мевлүт Чавушуулу Кыргызстанга расмий сапарын «Ата-Бейит» мемориалдык комплексинде Чыңгыз Айтматовдун кабырына гүл коюп, куран окутуу менен баштады.

Сапардын алкагында эки мамлекеттин тышкы иштер министрлеринин сүйлɵшүүлɵрү жана Кыргызстан менен Түркиянын ортосундагы Биргелешкен стратегиялык пландаштыруу тобунун 4-жыйыны болуп ɵтɵт. Ошондой эле Түркиянын тышкы иштер министри Чавушоуулунун Кыргызстандын жетекчилиги менен жолугушуулары пландаштырылган.

Алдыда боло турган жолугушуулардын жана сүйлɵшүүлɵрдүн жүрүшүндɵ саясий, соода-экономикалык, маданий-гуманитардык жана башка чөйрөлөрдөгү эки тараптуу кызматташтыкты мындан ары ɵнүктүрүү жана бекемдɵɵ боюнча мурда жетишилген келишимдерди, кыргыз-түрк мамилелери үчүн актуалдуу маселелерди талкуулоо пландаштырылууда.

Түрк кеӊешинин алкагында түрк тилдүү мамлекеттердин ортосунда кызматташтыкты кеӊейтүү жана аталган эл аралык уюмдун күн тартибинин актуалдуу маселелери боюнча пикир алмашуу болот.

Back to top button
error: Alert: Көчүрүүгө болбойт