Видео

Шайлоо-2020: Талапкердин мечиттеги видеосу тарады

«Биримдик» саясий партиясынан парламентке талапкер болгон, Жогорку Кеңештин депутаты Сайдолимжон Жураев Баткенде «диний жайда үгүт жасап жатат» деген видео Интернетке тарады. Чөнтөк телефонго түшүрүлгөн видео Кадамжай районунун Үч-Коргон айылынын мечитинде 11-сентябрда тартылганы кабарланды.

«Азаттык» Жураевдин өзү менен байланышканда ал Интернетте тарап жаткан тасма болжол менен жарым жыл мурдагы экенин, мечитке барып турарын, бирок үгүт башталганы бир да жолу чогулгандар алдына чыгып сүйлөбөгөнүн айтты.

Бийликтин «Биримдик» партиясынын талапкери Сайдалим Жураев Кадамжайдын Уч-Коргон айылында мечитте угут иштерин жургузуп журот. Бул мыйзамга каршы келген корунуш. Же бийлик талапкерлерине мыйзам жокпу?

Опубликовано Aidanbek Akmatov Четверг, 17 сентября 2020 г.

Муфтият видеонун чоо-жайын такташ үчүн Баткен облусунун казысына тапшырма берилгенин маалымдады.

Буга чейин да Интернетке айрым партиялардын эл менен жолугушууларында молдолор да катышканы тартылган видеолор чыккан.

Борбордук шайлоо комиссиясы диний мекемелерде гана шайлоочулар менен жолугушууга уруксат жок экенин, калган жайларга тыюу салынбаганын буга чейин билдирген.

Муфтият диний ишмерлерди үгүт иштерине аралашпоого чакырган билдирүү тараткан.

Жогорку Кеңешке шайлоо 4-октябрда болот. Үгүт өнөктүгү 4-сентябрда башталган.

Back to top button
error: Alert: Көчүрүүгө болбойт