КоомОкуялар

Садыр Жапаровго мунапысты колдонууда мыйзам бузулуп жатабы?

Мурдагы депутат Садыр Жапаровду коргоо боюнча кыймыл жана коомдук фонд түзүлдү. Алар Жапаровго мунапыс берүү, жатак абакка чыгаруу боюнча мыйзам аткарылбай жатканын айтып, мындан ары Жапаровдун бошотулушун талап кылышмакчы.

Жапаровдун тарапкерлеринин айтымында, мындан сырткары президенттен ырайым суроодо тоскоолдуктар бар.

«Жапаровду коргоо элдик кыймылы президентибизди расмий таануу менен бирге Жапаровдун тагдырына өбөлгө түзө турган ушул мыйзамдуу үч жолдун бирин тандап берүү маселесин коюп жатабыз» , — деди кыймылдын башчысы, Жогорку Кеңештин мурдагы депутаты Каныбек Осмоналиев.

Мунапысты ким берет?

Садыр Жапаров жасалма күбөлөр аркылуу жана далилсиз соттолгон деп эсептеген бир тууганы Дөөлөтбек Жапаров президентке кайрылды:

«Урматтуу президент, сиз эгер соттор мыйзам бузса мен өзүм кийлигишем деп айттыңыз эле. Макул, мурунку бийликтин убагында камалып кетти. Биз эми башкаларга колдонулган мунапысты эле Садыр Жапаровго да колдонууну суранып жатабыз. Ал үчүн сотко кайрылдык. Биринчи да, экинчи да инстанция четке какты. Жогорку Сот 2018-жылы 12-ноябрда мунапысты атайын прокуратура аркылуу Жаза аткаруу кызматы колдонот деген чечим чыгарды».

Д.Жапаровдун айтымында, атайын прокуратура болсо мунапысты сот чечет деген. Башкы прокуратура болсо билдирүү таратып, Садыр Жапаровду жатак абакка которууга же жазасын өтөөдөн мөөнөтүнөн мурда шарттуу бошотууга болбой турганын айтты.

Жапаровдун тарапташтары мыйзамдын карама-каршылыгы тууралуу Жогорку Кеңешке кайрылышкан. Бирок Жогорку Кеңештен алардын мыйзамды чечмелөө укугу Конституциядан алынып калган деп ооз эки жооп беришкен. Жазуу түрүндө жооп берүүгө кошмча он төрт күн сурашкан.

Жапаров кармалган күн, 2017-жыл 25-март
Садыр Жапаров кармалган күн, 2017-жыл 25-март

«Ошентип бул жерде мунапыс алуу боюнча эрежелер бири бирине карама-каршы келип жатат. Ал учурда Садыр Жапаров түрмөдө отурат, анын укугу бузулуп жатат. Мунапыс алуу аркылуу 20 жылга кесилгендер да чыгып жатат», — деди Д.Жапаров.

Анын эсебинде мунапысты берчү орган чечилсе, Садыр Жапаров шарттуу түрдө мөөнөтүнөн мурда бошотулмак.

Ары-бери созулган мыйзам

Дөөлөтбек Жапаровдо Жаза аткаруу кызматынын Садыр Жапаров жаза мөөнөтүнүн үчтөн бирин өтөп бүткөндүктөн 2020-жылдын 5-февралында жатак абагына чыгат деген маалым каты бар.

Бул документти Жаза аткаруу кызматы жокко чыгарып жатат.

«Буга чейин №1 абактын маалым катын Садыр Жапаровдун адвокаты да жарыялаган. Бирок маалым катты берээрден мурда анын мөөнөтүн туура эмес эсептеп коюшкан. Жаза кодексинин 43-беренесине ылайык, Садыр Жапаров уюштуруучу катары эсептелгендиктен жатак абакка которууга жол берилбейт экен», — деди Би-Би-Сиге Жаза аткаруу кызматынын өкүлү Самат Калыгулов.

Жапаровдун тарапташтары жатак абакка которууну Жаза аткаруу кызматы эмес, ага караган комиссия чечерин, бул жерде да мыйзам бузулуп жатканын белгилешет.

Ал эми президенттен ырайым сураган кайрылууну кимдир бирөөлөр мамлекет башчыга жеткирбей турат дешет Жапаровдун жакындары.

Дөөлөтбек Жапаров Садыр Жапаров негизи акталыш керек деп эсептейт
Дөөлөтбек Жапаров Садыр Жапаров негизи акталыш керек деп эсептейт

Садыр Жапаров президенттен 2019-жылы октябрда үй-бүлөсүндөгү абалына байланыштуу ырайым сураган. Жапаров түрмөдө отурган учурда ата-энеси жана баласы каза болду.

Президент Сооронбай Жээнбеков 25-декабрда бул боюнча журналисттин суроосуна жооп берген.

«Мен кызматка келгенде көп саясатчылар түрмөдө болчу. Алардын тарапкерлери, көп саясатчылар чыгаруу боюнча мага тынбай маселе коюп жатышты. Сот бийлиги өзү чечим чыгарып жатты. Кээ бири соттун чечиминин негизинде чыкты. Садыр Жапаров боюнча сотко сен мындай кыл деп айтсам, туура эмес болот», — деген эле президент.

Жапаровдун тарапташтары мунапыс, жатак абагына чыгаруу боюнча мыйзамдуу аракеттер иштебей жатса, азыр актоодон үмүт кылбайбыз дешет.

Жогорку Кеңештин мурдагы депутаты Садыр Жапаров 2017-жылы августта 11 жыл 6 айга камалган. Бул чечимди бардык инстанциялар күчүндө калтырган.

Ал 2013-жылы Ысык-Көлдөгү башаламандык коштогон митингди уюштурууга айыпталган. Ал «барымтага алуу» беренеси менен соттолгон.

КоронаLIVE
  • USA 1,837,578
    USA
    Жуктургандар: 1,837,578
    Ооруп жаткандар: 1,131,505
    Айыккандар: 599,875
    Каза тапкандар: 106,198
  • Brazil 514,992
    Brazil
    Жуктургандар: 514,992
    Ооруп жаткандар: 279,096
    Айыккандар: 206,555
    Каза тапкандар: 29,341
  • Russia 414,878
    Russia
    Жуктургандар: 414,878
    Ооруп жаткандар: 234,146
    Айыккандар: 175,877
    Каза тапкандар: 4,855
  • Spain 286,509
    Spain
    Жуктургандар: 286,509
    Ооруп жаткандар: 62,424
    Айыккандар: 196,958
    Каза тапкандар: 27,127
  • UK 274,762
    UK
    Жуктургандар: 274,762
    Ооруп жаткандар: 236,273
    Айыккандар: ?
    Каза тапкандар: 38,489
  • Italy 232,997
    Italy
    Жуктургандар: 232,997
    Ооруп жаткандар: 42,075
    Айыккандар: 157,507
    Каза тапкандар: 33,415
  • India 190,535
    India
    Жуктургандар: 190,535
    Ооруп жаткандар: 93,322
    Айыккандар: 91,819
    Каза тапкандар: 5,394
  • France 188,882
    France
    Жуктургандар: 188,882
    Ооруп жаткандар: 91,725
    Айыккандар: 68,355
    Каза тапкандар: 28,802
  • Germany 183,494
    Germany
    Жуктургандар: 183,494
    Ооруп жаткандар: 8,989
    Айыккандар: 165,900
    Каза тапкандар: 8,605
  • Peru 164,476
    Peru
    Жуктургандар: 164,476
    Ооруп жаткандар: 92,762
    Айыккандар: 67,208
    Каза тапкандар: 4,506
  • Turkey 163,942
    Turkey
    Жуктургандар: 163,942
    Ооруп жаткандар: 31,429
    Айыккандар: 127,973
    Каза тапкандар: 4,540
  • Iran 154,445
    Iran
    Жуктургандар: 154,445
    Ооруп жаткандар: 25,563
    Айыккандар: 121,004
    Каза тапкандар: 7,878
  • Chile 99,688
    Chile
    Жуктургандар: 99,688
    Ооруп жаткандар: 55,907
    Айыккандар: 42,727
    Каза тапкандар: 1,054
  • Saudi Arabia 85,261
    Saudi Arabia
    Жуктургандар: 85,261
    Ооруп жаткандар: 22,316
    Айыккандар: 62,442
    Каза тапкандар: 503
  • China 83,017
    China
    Жуктургандар: 83,017
    Ооруп жаткандар: 76
    Айыккандар: 78,307
    Каза тапкандар: 4,634
  • Afghanistan 15,750
    Afghanistan
    Жуктургандар: 15,750
    Ооруп жаткандар: 14,057
    Айыккандар: 1,428
    Каза тапкандар: 265
  • Kazakhstan 11,308
    Kazakhstan
    Жуктургандар: 11,308
    Ооруп жаткандар: 5,809
    Айыккандар: 5,458
    Каза тапкандар: 41
  • Tajikistan 3,930
    Tajikistan
    Жуктургандар: 3,930
    Ооруп жаткандар: 1,879
    Айыккандар: 2,004
    Каза тапкандар: 47
  • Uzbekistan 3,662
    Uzbekistan
    Жуктургандар: 3,662
    Ооруп жаткандар: 810
    Айыккандар: 2,837
    Каза тапкандар: 15
  • Kyrgyzstan 1,817
    Kyrgyzstan
    Жуктургандар: 1,817
    Ооруп жаткандар: 620
    Айыккандар: 1,181
    Каза тапкандар: 16
Ачкыч сөздөр
Толугу менен

Тектеш темалар

Back to top button
КоронаLIVE
Close
Close