Ден-соолукКоом

Бишкекте коронавируска байланыштуу бир катар чектөөлөр киргизилди (тизме)

Бишкек шаарында коронавируска байланыштуу бир катар чектөөлөр киргизилди. Бул тууралуу Бишкек шаарынын мэри Азиз Суракматов өкмөт үйүндө өткөн брифингде билдирди.

Анын айтымында, бүгүн COVID-19 инфекциясынан улам шаардык мэриянын буйругу чыкты. Ага ылайык, төмөнкү өзгөртүүлөр киргизилди:

• Коомдук унаалардын иштөөсү эртең менеки саат 07:00дөн 10:00гө чейин иштеп, саат 10:00дөн 17:00гө чейин тыным алышат. Андан кийин 17:00дөн кечки 21:00гө чейин иштешет. Ишемби жана жекшемби күндөрү каттамга чыгышпайт;

• Кафе, ресторан жана коомдук тамактануу жайлары 08:00дөн 20:00гө чейин иштөөсүнө уруксат берилет;

• Супермаркет, соода түйүндөрү 07:00дөн 19:00гө чейин иштөөсү керек;

• Базарлар күн сайын 06:00дөн 17:00гө чейин иштейт.

Төмөнкү ишмердүүлүккө тыюу салынат:

• Велосипедди ижарага берүүчү жайлар, балдар аянтчалар жана батут, уруксатсыз соода жүргүзүү жана кызмат көрсөтүүлөрдүн бардык түрлөрү;

• Тойкана, түнкү клуб, бар, караоке клубдары жана башка көңүл ачуучу жайлар, (кардарлардын санына карабастан). “Түндүкэлектр” жана “Бишкексууканал” ишканасына карантин режимин бузгандыгы үчүн электр жана сууну өчүрүү сунуш кылынат;

• Балдар үчүн көңүл ачуучу жайлар: футбол жана оюн аянтчалар;

“Мэрия жарандардын массалык топтолгон жана эс алуу жерлерине барууну чектейт. Текшерүү иштери күчөтүлөт. Санитардык нормаларды сактабаган объектилерге айыппулдар эскертүүсүз салынат”, — дейт ал.

Белгилей кетсек, Кыргызстанда коронавирус илдетин жуктурган жалпы 5735 учур катталды. Алардын ичинен 879у медицина кызматкери. Илдеттен 2443 жаран айыкса, коронавирус жуктурган 62 адам каза болду.

Ачкыч сөздөр
Толугу менен

Тектеш темалар

Back to top button
Close
Close