БийликӨкмөтПрезидент

Өлкө башчынын милдетин аткаруучу президенттик шайлоого катыша албайт

Жаңы президент шайлангыча анын милдетин Жогорку Кеңештин төрагасы аткарып турат. Эгер ал аткара албаса, бул милдет өкмөт башчыга же анын милдетин аткаруучуга жүктөлөт.

Өлкө башчынын милдетин аткаруучу кийин президенттик шайлоого катыша албайт. Бул тууралуу КР Конституциясында жазылган.

Эгер президент мөөнөтүнөн мурда кетип калса, мыйзамга ылайык, анын милдетин Жогорку Кеңештин төрагасы убактылуу аткарып турат. Ал да аткара албаса, анда бул милдет өкмөт башчыга же анын милдетин аткаруучуга жүктөлөт.

“Президенттин милдетин аткарып жаткан адам Жогорку Кеңешке мөөнөтүнөн мурда шайлоо жарыялай албайт. Ошондой эле өкмөттү отставкага кетирүүгө жана кийинки президенттик шайлоого катышууга укугу жок”, — деп жазылган Конституциянын 68-беренесинде.

Белгилей кетсек, “Ысык-Көл” мейманканасынын айланасына эл чогулуп, президенттин отставкасын талап кылып, көп өтпөй Кыргызстандын президенти Сооронбай Жээнбеков кызматтан кетип жатканын айтып, кайрылуу жасады.

Мамлекет жетекчиси өлкөнүн тынчтыгы, элдин бүтүндүгү, коомдун ынтымагы кызмат ордунан бийик экенин айтып, ар бир мекендештин өмүрү баарынан кымбат экенин белгиледи. Мындан улам Жапаровду жана башка саясатчыларды өз тарапкерлерин тынч жол менен таратууга чакырган.

Жээнбековдун отставкасын ким кабыл алышы керек? Мыйзам

Эми чогулгандар Жогорку Кеңештин жаңы тандалган спикери Канат Исаевдин кетишин жана парламенттин тарашын талап кылууда.

Толугу менен

Тектеш темалар

Back to top button