Дүйнө

Шавкат Мирзиёев Өзбекстан ЕАЭБге кирбей турганын билдирди.

Өзбекстандын президенти Шавкат Мирзиёев Олий мажлиси жыйынында Евразиялык экономикалык биримдик (ЕАЭБ) тууралуу пикирин билдирди. Бул тууралуу чет элдик басылмалар жазып чыгышты.

“Биздин жарандарыбыздын көпчүлүгү чет өлкөлөрдө, Казакстанда, Орусияда иштешет. Биз бул абалга кайдыгер боло албайбыз. Эч ким бирөөгө эч качан көз карандысыздыкты бербейт. Көз карандысыздык эл ишенген президенттин колунда. Биз аталган бирикменин мүчөсү боло албайбыз”, – деген президент.

“Биз көрүүчү катары бирикменин кандай кемчилиги жана артыкчылыгы бар экенин байкап көрөбүз. Владимир Владимирович менен Санкт-Петербургда көп нерсени макулдаштык. Ишенип коюңуздар, биз эмне кылсак да улуттук кызыкчылыкты эске алабыз”, – деп сөзүн жыйынтыктаган Шавкат Мирзиёев.

Евразиялык экономикалык биримдик 2014-жылдын май айында түзүлгөн. Аталган союзга Армения, Беларусь, Казакстан, Кыргыз мамлекети жана Орусия мүчө.

Толугу менен

Тектеш темалар

Back to top button