Дүйнө

Мирзиёев расмий сапар менен Жапонияга барат

Өзбекстан президенти Шавкат Мирзиёев 17-декабрда Жапонияга барат. Расмий сапар 20-декабрга чейин уланат. Бул тууралуу өзбек президентинин басма сөз кызматы кабарлады.

Сапар алкагында Өзбекстан президенти Жапониянын премьер-министри Синдзо Абэ, Парламент кеңешчилер палатасынын президенти Акико Санто, Өкүлдөр палатасынын спикери Тадамори Осимой, премьер-министрдин орун басары, каржы министри Таро Асо менен жолугат.

Өзбекстан президенти Шавкат Мирзиёев Жапония Императору Нарухитонун кабыл алуусунда да болот.

Тараптар өзбек-жапон кызматташтыгын арттыруу, Өзбекстандагы ири инвестициялык долбоорлорго жапон компанияларын тартуу маселелерин карашат.

Расмий сапардын аягында саясий, соода-экономикалык, инвестициялык, бажы, туристтик жана илимий-техникалык тармактарда кызматташууну бекемдөө боюнча документтерге кол коюлары күтүлүүдө.

Ачкыч сөздөр
Толугу менен

Тектеш темалар

Back to top button
Close
Close